ڈی پی او جہلم نے ضلع جہلم کے مختلف تھانوں کے ایس ایچ اوز کے تبادلے کر دیے

جہلم میں ایس ایچ اوز کے تقرر و تبادلے ڈسٹرکٹ پولیس افسر طارق عزیز سندھو کے احکامات پر عملدرآمد کرتے ہوئے کر دیے گئے۔

تفصیلات کے مطابق ڈسٹرکٹ پولیس افسر طارق عزیز سندھو نے پولیس افسران کے تقرر و تبادلے کے احکامات جاری کیے ہیں۔ جاری نوٹیفکیشن کے مطابق چوہدری اللہ دتہ، جو تھانہ سٹی جہلم میں بطور ایس ایچ او فرائض سرانجام دے رہے تھے، کو تبدیل کرکے تھانہ سول لائن میں بطور ایس ایچ او تعینات کر دیا گیا ہے۔

ملک عمران امجد، جو اس سے قبل تھانہ صدر میں تعینات تھے، کو تبدیل کرکے تھانہ سٹی جہلم میں بطور ایس ایچ او ذمہ داریاں سونپی گئی ہیں۔

ڈی پی او جہلم طارق عزیز سندھو کا کہنا ہے کہ پولیس فورس میں تقرر و تبادلے کارکردگی کو مزید بہتر بنانے اور عوام کو بروقت انصاف فراہم کرنے کے لیے کیے جاتے ہیں۔