ستھرا پنجاب؛ جہلم کا تاریخی قصبہ کنتریلہ گندگی کی آماجگاہ میں تبدیل
جہلم: وزیر اعلی پنجاب مریم نواز شریف کا خواب ستھرا پنجاب جھوٹ کا پلندہ، ضلعی ہیڈ کواٹر کی بغل میں واقع تاریخی قصبہ کنتریلہ گندگی کی آماجگاہ میں تبدیل، ڈپٹی کمشنر/ضلعی ایڈمنسٹریٹر سب کچھ جاننے کے باجود خاموش، شہر سے ملحقہ قصبہ کو کوڑے کے ڈھیروں سے نجات نہ مل سکی۔
تفصیلات کے مطابق مال کا کمال، ضلعی ہیڈ کواٹر کی بغل میں واقع تاریخی قصبہ کنتریلہ آج کے ترقی یافتہ دور میں بھی وزیراعلی پنجاب مریم نواز شریف کے ویژن صاف ستھرا پنجاب کاخواب شرمندہ تعبیر نہ سکا۔
تاریخی قصبہ میں جگہ جگہ گندگی کے ڈھیر انتظامیہ کومنہ چڑھارہے ہیں جبکہ قصبہ کے وسط سے گزرنے والا نکاسی آب کانالہ گندگی کی آماجگاہ بن چکا ہے۔ گندےنالے سے اٹھنے والے تعفن سے نالے کے ارد گرد اور گردونواح کے مکینوں کا برا ہے۔ تعفن سے بیماریاں پھیلنے کااندیشہ لا حق ہے۔
مکینوں نے وزیراعلی پنجاب مریم نواز شریف، چیف سیکرٹری پنجاب، سیکرٹری بلدیات اور کمشنر راولپنڈی سے نوٹس لینے اور صفائی ستھرائی کروانے کا مطالبہ کیا ہے۔
