حکومت نے جان بوجھ کر ڈیول کیرج وے منصوبے کیلئے فنڈز دینے میں تاخیر کی، فواد چوہدری
جہلم: وفاقی وزیر فواد چوہدری نے کہا کہ وفاقی حکومت نے جان بوجھ کر منصوبے کے لیے فنڈز دینے میں تاخیر کی، اس تاخیر کی وجہ سے لاگت 26 ارب روپے تک بڑھ سکتی ہے۔
2021 میں اس منصوبے کے لیے فنڈ فراہم کرنے والی پی ٹی آئی حکومت کے سابق وفاقی وزیر چوہدری فواد حسین نے بتایا کہ وفاقی حکومت نے جان بوجھ کر منصوبے کے لیے فنڈز دینے میں تاخیر کی، خدشہ ہے کہ تاخیر کی وجہ سے لاگت 26 ارب روپے تک بڑھ سکتی ہے۔
سابق وفاقی وزیر فواد چوہدری نے کہا کہ للِہ جہلم ڈیول کیرج وے ایک 128 کلومیٹر "زیر تعمیر” سڑک جو جہلم ڈسٹرکٹ ہیڈ کوارٹر کو اس کی جنوبی تحصیل پنڈدادنخان اور للِہ موٹروے انٹرچینج سے ملاتی ہے حالیہ بارشوں سے شدید متاثر ہوئی ہے۔ اس سڑک کا سنگ بنیاد نومبر 2021 میں عمران خان کی حکومت کے دوران رکھا گیا تھا اور اس منصوبے کے لیے 16 ارب روپے کے فنڈز مختص کیے گئے تھے جسے دو سال میں مکمل ہونا تھا۔
بھاری ٹیکس ادا کرنے کے باوجود یہاں کے لوگوں کے پاس ایک مناسب سڑک تک نہیں ہے جسے انہوں نے بنیادی حق قرار دیاسڑک کی خراب حالت کی وجہ خاص طور پر برسات کے موسم میں اسکولوں میں حاضری کو بری طرح متاثر کیا۔
یاد رہے کہ علاقہ مکین جو پختہ سڑک کی امید لگائے بیٹھے تھے، پرانی سڑک سے بھی محروم ہو گئے ہیں، جسے ٹھیکیدار نے ڈبل کیرج وے کی تعمیر کے لیے کھود دیا تھا۔ کچی سڑک کی وجہ سے پبلک ٹرانسپورٹ کی آمدورفت ناممکن ہے۔ ایک مقامی شہری قاسم ریحان نے دعویٰ کیا کہ اس سڑک کی خستہ حالی کی وجہ سے کئی لوگ ہسپتال لے جاتے ہوئے جان کی بازی ہار چکے ہیں۔
واضح رہے کہ انگریزی اخبار ڈان کو ہائی وے ڈیپارٹمنٹ کے سرکاری ذرائع نے بتایا کہ وہ ابھی تک وفاقی حکومت کی جانب سے اس منصوبے کے لیے فنڈز جاری کرنے کا انتظار کر رہے ہیں۔ جہلم کی ڈپٹی کمشنر سیدہ رملہ علی سے رابطہ کرنے پر انہوں نے کوئی جواب نہیں دیا۔
تازہ ترین خبروں کیلئے ہمیں گوگل نیوز پر فالو کریں
