آئندہ سال سے آٹھویں جماعت کا بھی بورڈ کا امتحان ہوگا

جہلم: آٹھویں جماعت کے طلباء ہوجائیں تیار، آئندہ سال سے آٹھویں جماعت کا بھی بورڈ کا امتحان لیا جائے گا.

تفصیلات کےمطابق بچوں کا امتحان متعلقہ سکول کی بجائے دوسرے سکول میں ہوگا، اس وقت بچوں کے پیپر اپنے سکول میں ہی لیے جارہے ہیں۔

بچوں کے پیپرز بھی متعلقہ سکول کے اساتذہ ہی چیک کرکے رزلٹ بنارہے ہیں، بورڈ امتحان کیلئے نگران عملہ بھی باہر سے لگایا جائے گا۔

بورڈ امتحان میں بچوں کے پیپرز بھی دوسرے سکولوں کے اساتذہ چیک کریں گے، بورڈ امتحان سے بچوں کی اسیسمنٹ بہتر طریقہ سے ہوسکے گی،آٹھویں جماعت میں بورڈ کا امتحان لینے سے نہم جماعت میں بچوں کو مضامین کے انتخاب میں آسانی ہوگی۔