محرم الحرام؛ ڈی پی او جہلم کا تھانہ سوہاوہ، پولیس خدمت مرکز سوہاوہ اور تھانہ ڈومیلی کا دورہ

سوہاوہ: ڈی پی او جہلم ناصرمحمود باجوہ نے تھانہ سوہاوہ، پولیس خدمت مرکز سوہاوہ اور تھانہ ڈومیلی کا اچانک دورہ کیا۔

دورہ کے دوران ڈی پی او جہلم نے تھانہ جات کی بلڈنگ،SIPs پروٹوکول،فرنٹ ڈیسک،مال خانہ تھانہ جات،حوالات تھانہ اور میس ہال کا بھی جائزہ لیا۔

ڈی پی او جہلم ناصر محمود باجوہ نے کہا کہ سرکاری تنصیبات اس ملک و قوم کی امانت اور پنجاب پولیس کا اثاثہ ہیں،ان کی دیکھ بھال اور حفاظت ہم سب کی ذمہ داری ہے۔ انسپکٹر جنرل آف پولیس پنجاب کی ہدایات کی روشنی میں دی گئی ٹائم لائن کے اندر ایف آئی آر کے اندراج کو یقینی بنایا جائے۔

انہوں نے کہا کہ زیر تفتیش مقدمات کو میرٹ پر یکسو کیا جائے، عدم گرفتار ملزمان کی گرفتاری کےلئےمربوط حکمت عملی اپنانےاور اشتہاری مجرمان کےریڈ نوٹسزجاری کروائے جائیں، جرائم کی شرح کو کم کرنے کے لیے کرائم پاکٹس میں موثر پٹرولنگ کی جائے۔

ڈسٹرکٹ پولیس آفیسر جہلم ناصر محمود باجوہ نے کہا کہ تھانہ جات اور خدمت مراکز میں آنے والے شہریوں سے خوش اخلاقی سے پیش آئیں اور بہترین سہولیات فراہم کریں، پولیس کی کارکردگی جانچنے اور پولیس افسران و شہریوں کے مسائل جاننے کےلئے سرپرائز وزٹ کا سلسلہ جاری رہے گا۔