ڈاکٹر چوہدری خالد محمود گوندل 31 مارچ کو ریٹائرڈ ہو جائیں گے

جہلم: تحصیل ہیڈکوارٹر اسپتال پنڈدادنخان کے سابق میڈیکل سپرنٹنڈنٹ اور ایڈیشنل پرنسپل اسکول آف الائیڈ ہیلتھ سائنسز ڈاکٹر چوہدری خالد محمود گوندل روان ماہ 31 مارچ کو اپنی مدتِ ملازمت مکمل کر کے ریٹائر ہو جائیں گے۔

چوہدری خالد محمود گوندل نے اپنی تعیناتی کے دوران علاقے کے عوام کی فلاح و بہبود کے لیے گرانقدر خدمات انجام دیں۔ وہ طبی سہولیات کی بہتری، عوامی مسائل کے حل اور اسپتال کے انتظامی امور کو مؤثر انداز میں چلانے میں کلیدی کردار ادا کرتے رہے۔ ان کی قیادت میں اسپتال میں طبی سہولیات میں نمایاں بہتری دیکھنے میں آئی، جس سے ہزاروں مریضوں کو فائدہ پہنچا۔

علاقے کے عوام، سماجی اور طبی حلقے ڈاکٹر چوہدری خالد محمود گوندل کی خدمات کو انتہائی قدر کی نگاہ سے دیکھتے ہیں۔ ان کے ساتھیوں اور اہل علاقہ کا کہنا ہے کہ انہوں نے ہمیشہ مریضوں کے علاج و معالجے میں خصوصی دلچسپی لی اور اسپتال میں جدید سہولیات کی فراہمی کے لیے کوششیں کیں۔