پنڈدادنخان میں نامعلوم افراد نے خاتون کو گولی مار دی، خاتون شدید زخمی

پنڈدادنخان کے نواحی علاقہ میں نامعلوم افراد نے خاتون کو گولی مار دی، نامعلوم ملزمان شدید زخمی خاتون کو کھیتوں میں پھینک پر فرارہو گئے۔

تفصیلات کے مطابق گزشتہ روز جہلم کی تحصیل پنڈدادنخان کے تھانہ جلالپورشریف کی حدود میں نامعلوم مسلح افراد کی فائرنگ سے ردا یاسمین نامی خاتون شدید زخمی ہوگئی، نامعلوم افراد زخمی خاتون کو کھیتوں میں پھینک کر فرار ہو گئے۔

مقامی افراد نے اپنی مدد آپ کے تحت زخمی خاتون کو رورل ہیلتھ سینٹر جلالپور شریف منتقل کیا، ابتدائی طبی امداد کے بعد زخمی خاتون کو تشویشناک حالت میں ڈسٹرکٹ ہیڈ کوارٹر ہسپتال جہلم منتقل کر دیا گیا۔

پولیس ذرائع کے مطابق زخمی خاتون کو مبینہ طور پر چھ فائر مارے گئے۔

تازہ ترین خبروں کیلئے ہمیں گوگل نیوز پر فالو کریں