پولیس تحفظ مرکز جہلم کا احسن اقدام، الصدیق ویلفیئر سوسائٹی کے تعاون سے مستحق بچوں میں یونیفارم تقسیم
جہلم: انسپکٹر جنرل آف پولیس پنجاب ڈاکٹر عثمان انور کے ویژن اور ڈی پی او جہلم ناصر محمود باجوہ کے احکامات پر پولیس تحفظ مرکز جہلم کا احسن اقدام، الصدیق ویلفیئر سوسائٹی جہلم کے تعاون سے گورنمنٹ ہائی سکول مجاہدآباد جہلم میں سکول کے مستحق بچوں کیلئے نئے یونیفارم تقسیم کر دیے گئے۔
اس حوالے سے گورنمنٹ ہائی سکول مجاہد آباد میں ایک تقریب منعقد کی گئی، تقریب میں انچارج تحفظ مرکز سب انسپکٹر ظہیر عباس، الصدیق ویلفیئر سوسائٹی کے صدر سعید احمد اور رضیہ سلطانہ سینئر نائب صدر نے پروگرام میں خصوصی شرکت کی اور سکول کے مستحق بچوں میں نئے یونیفارم تقسیم کیے۔
اس موقع پر سکول کے پرنسپل، ٹیچرز اور عوام الناس کی طرف سےمستحق بچوں کیلئے یونیفارم فراہمی پر تحفظ مرکز جہلم اور الصدیق ویلفیئر سوسائٹی کا خصوصی شکریہ ادا کیا گیا۔
اس حوالے سے ڈی پی او جہلم ناصر محمود باجوہ کا کہنا ہے کہ پولیس تحفظ مرکز سول سوسائٹی کے باہمی اشتراک سے معاشرے کے کمزور اور نادار افراد کی ہر ممکن مدد جاری رکھے ہوئے ہے۔
