جہلم پولیس کا پتنگ فروشوں کے خلاف کریک ڈاؤن، 7 پتنگ فروش گرفتار

جہلم پولیس کا پتنگ بازی اور پتنگ فروشی جیسے خطرناک کھیل میں ملوث ملزمان کے خلاف کریک ڈاؤن جاری، 7 پتنگ فروش گرفتار کر کے پتنگیں اور قاتل ڈوریں برآمد کر لی گئیں۔

ڈی پی او جہلم ناصر محمود باجوہ کے احکامات پر سول لائنز پولیس نے کارروائی کرتے ہوئے 4 ملزمان محمد محمود،وحید احمد،محمد نفیس اور نبیل جیمزکو گرفتار کر لیا، ملزمان سے مجموعی طور پر22عدد پتنگیں اور 5 عدد دھاتی ڈوریں برآمد کر کے الگ الگ مقدمات درج کر لئے۔

صدر پولیس نے کارروائی کرتے ہوئے ملزم سفیان خالدکو گرفتار کر لیا، ملزم سے100 عدد پتنگیں اور 3 عدد ڈوریں برآمد کر کے مقدمہ درج کر لیا گیا۔

دینہ پولیس نے کارروائی کرتے ہوئے ملزم محمود نعیم کو گرفتار کر لیا، ملزم سے92 عدد پتنگیں اور ایک عدد دھاتی ڈور برآمد کر کے مقدمہ درج کر لیا گیا۔

سٹی پولیس نے کارروائی کرتے ہوئے ملزم عبداللہ کو گرفتار کر لیا، ملزم سے 5 عدد پتنگیں اور ایک عدد ڈورگولہ برآمد کر کے مقدمہ درج کر لیا گیا۔

ڈی پی او جہلم ناصر محمود باجوہ نے کہا کہ شہریوں کی جانوں سے کھیلنے والے عناصر کسی رعایت کے مستحق نہیں جن کیخلاف بلا تفریق کریک ڈاون جاری رہے گا۔