دینہ سے لاپتہ ہونے والے کم عمر بھائیوں کا سراغ نہ مل سکا

دینہ سے دو ماہ قبل لاپتہ ہونے والے کم عمر افغانی بھائیوں کا سراغ نہ مل سکا۔

تفصیلات کےمطابق جہلم کی تحصیل دینہ میں کباڑ اکھٹا کرنے والے نئی آبادی سید حسین کے رہائشی 8 سالہ اختیار اللہ اور 10 سالہ عبداللہ گھر سے کباڑ اکٹھا کرنے کیلئے نکلے اور لاپتہ ہو گئے۔ دو ماہ گزرنے کے باجود دونوں کم عمر بھائیوں کا سراغ نہ مل سکا۔

مغوی لڑکوں کے والد قدرت اللہ نے پولیس کو بتایا کہ میرے دونوں بیٹے کباڑ خانے کے مالک قمر شہزاد کے پاس کباڑ اکھٹا کرنے کا کام کرتے تھے اور قمر شہزاد مبینہ طور پر میرے دونوں بیٹوں کو اغواء کر کے لے گیا ہے۔

تھانہ دینہ پولیس نے مقدمہ درج کر کے مغوی افغانی بھائیوں کی بازیابی کیلئے ٹیم تشکیل دے دی۔

پولیس کا کہنا ہے کہ ملزم قمر شہزاد کو جلد گرفتار کر کے بچوں کو بازیاب کروا لیا جائے گا۔