قدیم ثقافت کو زندہ رکھنے کے لیے نیزہ بازی جیسے کھیلوں کا فروغ ضروری ہے، ڈپٹی کمشنر جہلم میثم عباس

جہلم: محمد میثم عباس نے کہا کہ نیزہ بازی پنجاب کا روایتی اور منفرد کھیل ہے جس میں مہارت اور توازن کے ساتھ کھلاڑی اپنی صلاحیتوں کا اظہار کرتا ہے۔

یہ بات ڈپٹی کمشنر جہلم میثم عباس نے موضع سکھا میں جشن نیزہ بازی کے مقابلوں کی اختتامی تقریب میں گفتگو کرتے ہوئے کہی۔ انہوں نے کہا کہ قدیم ثقافت کو زندہ رکھنے کے لیے ایسے کھیلوں کا فروغ ضروری ہے، مجھے خوشی ہے کہ جہلم میں ایک معیاری نیزہ بازی مقابلہ کا انعقاد کیا گیا ہے۔

ڈپٹی کمشنر نے فائنل مقابلوں میں کھلاڑیوں کی جانب سے شاندار کارکردگی پر ان کو شاباش دی اور کھلاڑیوں کی انعامات تقسیم کرتے ہوئے کہا کہ حکومت پنجاب ایسے روایتی اور ثقافتی پروگراموں کی حوصلہ افزائی اور ان کو فروغ دینے کے لیے تمام اقدامات عمل میں لا رہی ہے۔