ضلع جہلم میں ڈپٹی کمشنر محمد میثم عباس کی الوداعی ملاقات

جہلم: ضلع جہلم سے تبادلہ ہونے والے ڈپٹی کمشنر محمد میثم عباس نے اپنے عہدے سے رخصت ہونے سے قبل افسران اور دفتر کے عملے سے الوداعی ملاقات کی۔

اس موقع پر ڈپٹی کمشنر محمد میثم عباس نے کہا کہ دورانِ تعیناتی تمام افسران اور اہلکاروں نے ہر موقع پر مثالی تعاون فراہم کیا، جس پر وہ تہہ دل سے شکر گزار ہیں۔

انتظامی افسران اور دفتر کے عملے نے بھی ڈپٹی کمشنر کی خدمات کو خراجِ تحسین پیش کیا اور کہا کہ ان کی شفیق مزاجی، صبر و تحمل، اعلیٰ انتظامی صلاحیتیں اور ماتحت عملے کے ساتھ دوستانہ رویہ ہمیشہ یاد رکھا جائے گا۔

مزید کہا گیا کہ ڈپٹی کمشنر محمد میثم عباس کی قیادت میں کیے گئے فلاحی و انتظامی اقدامات عوام کے دلوں میں ایک خوبصورت یادگار کے طور پر ہمیشہ موجود رہیں گے۔