پنڈدادنخان میں خاتون سے زیادتی کی کوشش اور چوری میں ملوث 2 ملزمان گرفتار

پنڈدادنخان: تھانہ پنڈدادنخان پولیس نے بڑی کارروائی کرتے ہوئے خاتون کے ساتھ زیادتی کی کوشش اور چوری کے مقدمہ میں ملوث 2 ملزمان کو گرفتار کر لیا۔

تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ پنڈدادنخان اور ٹیم نے کارروائی کرتے ہوئے دونوں ملزمان کو حراست میں لے لیا اور ان کے قبضہ سے چوری شدہ رقم 4 لاکھ 50 ہزار روپے بھی برآمد کر لی۔

مدعیہ مقدمہ نے پولیس کو بیان دیا کہ ملزمان زبردستی اس کے گھر میں داخل ہوئے، اسے زیادتی کا نشانہ بنانے کی کوشش کی اور گھر سے بھاری رقم چرا لی۔

پولیس حکام کا کہنا ہے کہ ملزمان کے خلاف ٹھوس شواہد اکٹھے کر لیے گئے ہیں اور انہیں جلد چالان کر کے عدالت میں پیش کیا جائے گا تاکہ قرار واقعی سزا دلوائی جا سکے۔

ڈی پی او جہلم طارق عزیز سندھو نے کہا کہ خواتین اور بچوں کے ساتھ زیادتی جیسے سنگین جرائم میں زیرو ٹالرنس پالیسی پر سختی سے عمل کیا جا رہا ہے اور ایسے عناصر کو کسی بھی صورت رعایت نہیں دی جائے گی۔