کھیلتا پنجاب پروگرام نوجوانوں کی صلاحیتوں کو نکھارنے کا بہترین ذریعہ بن رہا ہے، میثم عباس

جہلم/ دینہ: میثم عباس نے کہا کہ حکومت پنجاب کی جانب سے کھیلوں کی سرگرمیوں کو فروغ دینے کے سلسلے میں ”کھیلتا پنجاب” پروگرام نوجوانوں کی صلاحیتوں کو نکھارنے کا بہترین ذریعہ بن رہا ہے۔

ڈپٹی کمشنر جہلم میثم عباس نے جہلم کی تحصیل دینہ کے چک اکا کرکٹ اسٹیڈیم میں کرکٹ ٹورنامنٹ کے افتتاح کے موقع پر کہا کہ پنجاب حکومت نوجوانوں کو صحت مند اور مثبت سرگرمیوں میں شامل کرکے ان کی حوصلہ افزائی کر رہی ہے اور انعامات سے نوازا جا رہا ہے تاکہ ان میں مقابلے کا جذبہ پروان چڑھایا جا سکے۔

تقریب کے آغاز میں ڈپٹی کمشنر نے کھلاڑیوں سے ملاقات کی اور ٹورنامنٹ کی تفصیلات سے آگاہی حاصل کی۔

انہوں نے بیٹنگ کرتے ہوئے ایک خوبصورت شاٹ لگا کر ٹورنامنٹ کا باقاعدہ افتتاح کیا اور سپورٹس آفیسر کو ہدایت دی کہ کھلاڑیوں کو بہترین سہولیات فراہم کی جائیں تاکہ کھیلوں کی سرگرمیوں کو مزید فروغ مل سکے۔