جہلم میں جعلی پولیس والا اصلی پولیس کے ہتھے چڑھ گیا

جہلم میں اصلی پولیس نے جعلی پولیس ملازم کو گرفتار کر لیا۔

تفصیلات کے مطابق ایس ایچ او تھانہ سول لائنز اور ٹیم نے کارروائی کرتے ہوئے خود کو پولیس ملازم ظاہر کر کے شہری کو ڈرانے دھمکانے والے ملزم سلیمان بٹ کو گرفتار کر لیا۔

پولیس حکام نے بتایا کہ ملزم سلیمان بٹ نے ساتھی جواد بٹ کے ساتھ مل کر اسسٹنٹ کمشنر کے دفتر تالا توڑ کر سرکاری فون استعمال کر کے ایک شخص کو کال کر کے ڈرایا دھمکایا۔

پولیس کا کہنا ہے کہ ملزم سلیمان بٹ نے فون پر خود کو ڈی پی او آفس کا اہلکار بن کر شہری سے بیرون ملک رشتہ داروں کے نمبر بھی مانگے۔

اسسٹنٹ کمشنر ہیڈکلرک اظہر نسیم کی مدعیت میں تھانہ سول لائن میں مقدمہ درج کر لیا گیا۔