جہلم پولیس کے تین ڈی ایس پی کا تبادلہ، الوداعی تقریب کا انعقاد
جہلم: ڈی ایس پی سوہاوہ رفاقت علی،ڈی ایس پی سٹی جہلم ریاض احمد اور ڈی ایس پی ٹریفک زبیر اختر کے اعزاز میں ڈسٹرکٹ جہلم سےٹرانسفر کے موقع پر الوداعی تقریب کا انعقاد کیا گیا۔
ڈی پی او جہلم ناصر محمود باجوہ، ایس پی انویسٹی گیشن جہلم محمد حسیب راجہ، ڈی ایس پی ہیڈ کوارٹرز ملک عقیل عباس، ایس ایچ اوز تھانہ سول لائنز،سٹی، سوہاوہ اور انچارج برانچز نے تقریب میں شرکت کی۔
پولیس افسران نے ڈی ایس پیز صاحبان کی جہلم پولیس کے لئے خدمات کو سراہا اور نیک خواہشات کا اظہار کیا، ٹرانسفر ہونے والے ڈی ایس پیز صاحبان نے ڈی پی او جہلم اور پولیس افسران کا شکریہ ادا کیا۔
اس موقع پر ڈی ایس پیز صاحبان نے کہا کہ پوسٹنگ اور ٹرانسفر سروس کا حصہ ہے، جہلم پولیس کے ساتھ بہترین وقت گزرا جو ہمیشہ یاد رہے گا۔
ڈی پی او جہلم ناصر محمود باجوہ نے کہا کہ جہلم پولیس کیلئے آپکی خدمات کو ہمیشہ یاد رکھا جائے گا۔
تقریب کے اختتام پر ڈی پی او جہلم ناصر محمود باجوہ نے ڈی ایس پیز صاحبان کو شیلڈز اور پھولوں کے گلدستے پیش کیے، تمام پولیس افسران نے ڈی ایس پیز صاحبان کے مستقبل کے لیے نیک تمناؤں کا اظہار کیا۔
