ڈی پی او جہلم کی زیر صدارت ٹریفک کے مسائل اور بہتری کے لیے اہم میٹنگ
جہلم: ڈی پی او جہلم ناصر محمود باجوہ نے ڈی پی او آفس جہلم میں ٹریفک پولیس کے سٹاف کے ساتھ ایک اہم میٹنگ کا انعقاد کیا۔ میٹنگ میں ڈی ایس پی ٹریفک جہلم طارق شفیع، انچارج برانچز ٹریفک آفس، اور انچارج برانچز ڈی پی او آفس نے شرکت کی۔
میٹنگ کے دوران ڈی پی او نے ٹریفک سٹاف کے مسائل تفصیل سے سنے اور ان کے حل کے لیے فوری اقدامات کرنے کی ہدایات جاری کیں۔
ڈی پی او جہلم ناصر محمود باجوہ نے ڈی ایس پی ٹریفک کو ہدایت کی کہ ٹریفک قوانین کی آگاہی مہم کو مؤثر بنایا جائے، خاص طور پر موٹر سائیکل سواروں کو لین ڈسپلن کی پابندی اور کم عمر ڈرائیوروں کی حوصلہ شکنی پر توجہ دی جائے۔
میٹنگ میں بازاروں میں ناجائز تجاوزات کے خاتمے کے لیے متعلقہ حکام کو تحریری طور پر آگاہ کرنے کی ہدایت دی گئی۔ بازاروں میں ٹریفک کے رش کی صورت میں اضافی نفری تعینات کی جائے تاکہ ٹریفک کے بہاؤ کو برقرار رکھا جا سکے۔
میٹنگ میں ٹریفک کے متعلق شہریوں کے مسائل کو جلد از جلد حل کرنے پر زور دیا گیا۔ تمام عملے کو ہدایت دی گئی کہ شہریوں کے ساتھ خوش اخلاقی سے پیش آئیں اور بہترین خدمات فراہم کریں۔
ڈی پی او جہلم ناصر محمود باجوہ نے یقین دلایا کہ شہریوں کو پرامن اور بہتر ماحول کی فراہمی کے لیے تمام دستیاب وسائل بروئے کار لائے جا رہے ہیں۔ یہ میٹنگ ٹریفک کی روانی کو بہتر بنانے اور شہریوں کی سہولت کو یقینی بنانے کی جانب ایک مثبت قدم ہے۔
