یوم آزادی کے موقع پر پنڈدادنخان میں مختلف کھیلوں کے مقابلوں کا اہتمام، شہریوں کی بھرپور شرکت

پنڈدادنخان: یوم آزادی 14 اگست کی خوشی میں تحصیل سپورٹس کمپلیکس میں ال پاکستان نمبردار ایسوسی ایشن پنجاب کے صدر و چیئرمین راجہ غلام اکبر منڈاڑ کی طرف سے کھیلوں کا انعقاد کرایا گیا۔

رسا کشی، فٹ بال، 100 میٹر کی دوڑ اور دیگر کھیلوں کا اہتمام کیا گیا تھا۔ 100میٹر دوڑ میں نومی کھیوڑہ کی پہلی پوزیشن، سٹی فٹبال کلب پنڈ دادنخان کے کپتان صہیب پھلی کی دوسری پوزیشن اور مبین سلیم نے تیسری پوزیشن حاصل کی۔

شہر بھرسے سینکڑوں کی تعداد میں شائقین نے تحصیل سپورٹس کمپلیکس کا رخ کیا جہاں پر ڈھول کی تھاپ پر بھنگڑے ڈالتے ہوئے یوم آزادی کی نہ صرف خوشیاں منائی جا رہی تھی بلکہ تحصیل پنڈدادنخان کے سپورٹس مین نے اپنی قابلیت کا مظاہرہ کیا، جتنے والی ٹیموں کو ہزاروں روپے انعام اور ٹرافی دی گئی۔

اس تقریب کے مہمان خصوصی اسسٹنٹ کمشنر ڈاکٹر حلیمہ منیر، ڈاکٹر مصدق اور راجہ غلام اکبر منڈاہڑ تھے۔ سٹیج سیکرٹری کے فرائض ملک غلام مصطفی مٹھو نے ادا کئے۔

تازہ ترین خبروں کیلئے ہمیں گوگل نیوز پر فالو کریں