حضور نبی کریم ﷺ پوری انسانیت کے لیے رحمت بن کر آئے، اسسٹنٹ کمشنر جہلم شمس الرحمٰن

جہلم: اسسٹنٹ کمشنر شمس الرحمٰن نے کہا کہ حضور نبی رحمت ﷺ کی ولادت باسعادت کی خوشی منانا ہم سب کے لیے باعث عبادت اور مسرت ہے۔ آپ ﷺ کی آمد سے کائنات جگمگا اُٹھی اور تاریکیوں کے سائے ہمیشہ کے لیے ختم ہوگئے۔

انہوں نے انجمن تاجران کی قیادت سے گفتگو کرتے ہوئے کہا کہ آپ ﷺ پوری انسانیت کے لیے رحمت بن کر آئے، آمدِ مصطفی ﷺ کی جس قدر بھی خوشی منائی جائے وہ کم ہے۔

شمس الرحمٰن نے مزید کہا کہ ضلعی ہیڈ کوارٹر پر سرکاری سطح پر میلاد مصطفی ﷺ کا شاندار پروگرام منعقد کیا جا رہا ہے، جس میں تمام مکاتب فکر سے تعلق رکھنے والے افراد کو دعوت دی جائے گی۔

اس موقع پر معروف قانون دان و سماجی شخصیت چوہدری فرحت کمال، ضیاء ملک، محمد اقبال، عبدالرشید بٹ سمیت دیگر معززین بھی موجود تھے۔