جہلم پولیس نے منشیات سمگلنگ کی کوشش ناکام بنادی، دو منشیات سمگلر گرفتار

جہلم پولیس نے دروان سرچ آپریشن منشیات سمگل کرنے کی کوشش کرنے والے دو ملزمان گرفتار کر لئے، بھاری مقدار میں چرس، رقم وٹک برآمد کر لی گئی۔

تفصیلات کے مطابق جہلم میں تھانہ صدر کے ایس ایچ او ملک نثار احمد اور ٹیم نے کارروائی کرتے ہوئے منشیات سمگل کرنے کی کوشش کرنے والے ملزمان نور محمدخان اور یاسر ایوب کو گرفتار کر لیا، ملزمان کا تعلق کے پی کے شہر مردان سے ہے۔

ملزمان کے قبضہ سے مجموعی طور پر 14 کلو 400 گرام چرس اور 14 لاکھ سے زائد رقم وٹک برآمد جبکہ منشیات سمگلنگ کی کوشش میں استعمال ہونے والی گاڑی قبضہ پولیس میں لے لی گئی۔

ملزمان منشیات کو گاڑی کے خفیہ خانوں میں چھپا کرپشاور سے جہلم سمگل کرنا چاہتے تھے۔ مخبر کی اطلاع پر ناکہ بندی کر کے کارروائی عمل میں لائی گئی۔

پولیس نے گاڑی اورمنشیات کو تحویل میں لے کر ملزمان کو تھانے منتقل کر دیا، پولیس نے ملزمان کے خلاف مقدمہ درج کر لیا۔

تازہ ترین خبروں کیلئے ہمیں گوگل نیوز پر فالو کریں