جہلم میں آٹے کی بڑھتی ہوئی قیمتوں نے دو وقت کی روٹی کا حصول بھی ناممکن بنا دیا

جہلم شہر میں آٹے کی بڑھتی ہوئی قیمتوں نے دو وقت کی روٹی کا حصول بھی ناممکن بنا دیا، آٹے کی قیمت بڑھتے ہی نان بائیوں نے روٹی بھی مہنگی کردی۔

ذرائع کے مطابق گندم کی نئی فصل آنے پر آٹے کی قیمتوں میں آنے والی کمی کے بعد اب ایک بار پھر آٹے کی قیمتوں میں اضافہ ہونا شروع ہو گیا ہے، شہر میں گندم کی قیمتیں بڑھتے ہی دکانداروں نے آٹے کے تھیلے کی قیمت میں بھی اضافہ کردیا ہے۔

اس کے باعث شہر سمیت ملحقہ علاقوں کے تندور مالکان نے سرکاری ریٹ پر روٹی فروخت کرنے کی بجائے من مرضی کے نرخ مقرر کرکے روٹی کی قیمت 20 روپے وصول کرنی شروع کررکھی ہے۔

شہریوں نے ڈپٹی کمشنر سیدہ رملہ علی سے مطالبہ کیاہے کہ آٹے کی قیمتوں میں اضافہ کرنے والے دکانداروں اور نان بائیوں کے خلاف کارروائیاں عمل میں لائی جائیں تاکہ غریب مزدور طبقہ سے تعلق رکھنے والے افراد اپنے بچوں کو 2 وقت کی روٹی مہیا کرسکیں۔

تازہ ترین خبروں کیلئے ہمیں گوگل نیوز پر فالو کریں