جہلم میں ڈالہ کلچر اور اسلحہ کی نمائش کرنے والے 10 ملزمان گرفتار، جدید اسلحہ اور گاڑیاں برآمد

جہلم : سی سی ڈی نے بڑی کارروائی کرتے ہوئے ڈالہ کلچر اور اسلحہ کی نمائش میں ملوث 10 ملزمان کو اسلحہ سمیت گرفتار کر لیا۔

ترجمان کے مطابق کرائم کنٹرول ڈیپارٹمنٹ کی ٹیم نے ملزمان کے قبضے سے 3 جدید رائفلیں، 2 پسٹل اور 3 گاڑیاں برآمد کر لی ہیں۔ کارروائی کے دوران یہ انکشاف بھی سامنے آیا کہ 4 ملزمان حساس اداروں کی وردیاں پہنے ہوئے تھے۔

ترجمان کا کہنا ہے کہ ملزمان سرعام اسلحہ کی نمائش اور ڈالہ کلچر کے ذریعے شہریوں میں خوف و ہراس پھیلا رہے تھے، جس کے خلاف کارروائی عمل میں لائی گئی۔

تمام ملزمان کو تھانے منتقل کر دیا گیا ہے جہاں ان کے خلاف قانونی کارروائی کا آغاز کر دیا گیا ہے۔