سوشل میڈیا پر سول ہسپتال جہلم کو بدنام کرنے کیلئے ویڈیو کلپ شیئر کیا جا رہا ہے، میاں مظہر حیات

جہلم: ڈاکٹر میاں مظہر حیات نے کہا کہ آج کل سوشل میڈیا کے مختلف گروپس میں ایک ویڈیو کلپ شیئر کی جا رہی ہے جس میں یہ جھوٹا الزام لگایا گیا ہے کہ ڈسٹرکٹ ہیڈ کوارٹر ہسپتال جہلم کے میڈیکل سپرنٹنڈنٹ اور ایڈمن آفیسر پارکنگ ٹھیکیدار کو عوام سے اوور چارجنگ کی اجازت دے کر رشوت لیتے ہیں۔

چیف ایگزیکٹو آفیسر محکمہ صحت جہلم ڈاکٹر میاں مظہر حیات نے بی بی سی جہلم کو بتایا کہ اس معاملے کی تحقیقات ضلعی صحت انتظامیہ کی ایک انکوائری کمیٹی نے کی ہے اور پتہ چلا ہے کہ یہ ویڈیو پہلے سے منصوبہ بند، بے بنیاد، جھوٹی اور صرف اسپتال انتظامیہ کو بدنام کرنے کے لیے بنائی گئی ہے۔

انہوں نے کہا کہ ہم مجرموں کے خلاف اور ان لوگوں کے خلاف قانونی کارروائی کرنے جا رہے ہیں جو اس ہسپتال کی انتظامیہ کو بدنام کرنے کے لیے یہ جعلی ویڈیو پھیلا رہے ہیں۔