ایڈیشنل چیف وارڈن سول ڈیفنس آرگنائزیشن جہلم توصیف بیگ کا سول ڈیفنس آفس راولپنڈی کا دورہ

جہلم: ایڈیشنل چیف وارڈن سول ڈیفنس آرگنائزیشن جہلم توصیف بیگ نے سول ڈیفنس آفس راولپنڈی کا دورہ کیا۔

سول ڈیفنس آفیسر راولپنڈی طالب حسین و چیف وارڈن راولپنڈی محمد اعجاز خوشی اور تمام اعلی ضلعی ایگزیکٹو ممبران کی طرف سے ایڈیشنل چیف وارڈن سول ڈیفنس آرگنائزیشن جہلم کا پرتپاک استقبال کیا گیا ۔

اس موقع پر سول ڈیفنس آفیسر طالب حسین نے توصیف بیگ سے گفتگو کرتے ہوئے کہا کہ آپکی رضاکارانہ مثبت معاشرتی کاوشیں قابل تقلید ہیں جو حمزہ بیگ ویلفیئر سوسائٹی کی صورت میں ہمارے سامنے ہیں۔

انہوں نے کہا کہ سول ڈیفنس آرگنائزیشن جہلم میں رضاکاران کی حوصلہ افزائی، خدمات، والنٹیئر ازم کے فروغ کی کوششیں قابل قدر و قابل تعریف ہیں جس سے ہنگامی صورتحال میں مشکل میں مبتلا افراد کے لئے زیادہ بہتر اور جذبے سے آسانیاں پیدا کی جا سکتی ہیں ۔ مختلف اضلاع کے رضاکاروں کو قریب لانے کی یہ آپکی ایک انمول کاوش ہے۔

اس موقع پر چیف وارڈن راولپنڈی محمد اعجاز خوشی جن کے والد محترم بھی سول ڈیفنس آرگنائزیشن میں چیف وارڈن راولپنڈی تھے اور وہ بھی 36 سال سے رضاکارانہ خدمات سر انجام دے رہے ہیں جن کے جذبے جوان تھے نے اظہار خیال کرتے ہوئے کہا کہ ایسا بہت کم ہوا ہے کہ آرگنائزیشن ٹو آرگنائزیشن کسی سول ڈیفنس آرگنائزیشن کے عہدیدار نے مختلف اضلاع کی آرگنائزیشنز کو قریب لانے کی عملی کوشش کی ہو، یہ جذبہ قابل قدر ہے اور ہم اسے خوش آمدید کہتے ہیں۔

توصیف بیگ نے اظہار خیال کرتے ہوئے کہا کہ رضاکار تو رضاکار ہوتا ہے، وہ خدمت کے لئے علاقے کا محتاج نہیں ہوتا، میں کافی عرصے سے محسوس کرتا تھا کہ بڑی ہنگامی صورتحال یا سانحہ کہیں بھی پیش آ سکتا ہے جبکہ میں نے ملحقہ اضلاع کے رضاکاران میں باہمی تال میل کا فقدان دیکھا ہے اور ہم اکثر نہیں جانتے کہ ملحقہ اضلاع میں کون رضاکارانہ خدمات سر انجام دے رہا ہے، اسی باہمی اشتراک جس کو پر کرنے کی کبھی عملی کاوشیں بھی نہیں کی گئیں میرے آنے کی یہی بنیادی وجہ ہے۔

انہوں نے کہا کہ حکومت کے پاس ہنگامی صورتحال میں بعض اوقات وسائل و افرادی قوت کی کمی ہوتی ہے۔ مخلوق اللہ کی آسانی کے لئے بین الاضلاعی اشتراک خدانخواستہ کسی بڑے سانحے میں قیمتی جان ومال کے تحفظ میں فائدہ مند ہو گا۔

سول ڈیفنس آفیسر طالب حسین و چیف وارڈن محمد اعجاز خوشی و سول ڈیفنس آرگنائزیشن راولپنڈی کے اعلی ایگزیکٹوز نے اس مثبت عملی سوچ کو نہ صرف سراہا اور اس سلسلے میں پیش رفت کے لئے عزم کا اظہار کیا ۔

ایڈیشنل چیف وارڈن جہلم توصیف بیگ نے محکمہ سول ڈیفنس راولپنڈی و سول ڈیفنس آرگنائزیشن راولپنڈی کا اتنے خلوص و محبت اور عزت افزائی کے اظہار پر نہ صرف دلی شکریہ ادا کیا۔ نیز اپنے اور سول ڈیفنس آرگنائزیشن جہلم کے لئے قابل اعزاز اور یاد گار قرار دیا اور جہلم کے سول ڈیفنس رضاکاران کی طرف سے نیک تمناؤں کا پیغام پہنچایا، ان جذبوں کو پروان چڑھانے کے عزم کا آعادہ کیا۔

انہوں نے کہا کہ ہمیں صرف ایک چیز قریب لے کر آئی ہے اور وہ صرف سچے رضاکارانہ جذبات کا مشترک ہونا ہے۔