ضلع جہلم میں سرکاری اور نجی سطح پر شجر کاری اور پودے تقسیم کئے جا رہے ہیں، ڈپٹی کمشنر سیدہ رملہ علی

جہلم: موسم برسات کی شجر کاری کا سلسلہ جاری ہے جس میں سرکاری اور نجی سطح پر شجر کاری اور پودے تقسیم کئے جا رہے ہیں، ہر شہری کو اپنے حصے کا پودا ضرور لگانا چاہئے۔

یہ بات ڈپٹی کمشنر جہلم سیدہ رملہ علی نے شاندار چوک میں سماجی شخصیت چوہدری فرحت کمال کی جانب سے مفت پودے تقسیم کرنے کی تقریب میں کہی۔ انہوں نے بتایا کہ سرکاری سطح پر 15 جولائی سے یہ مہم جاری ہے اب تک لاکھوں پودے لگانے کے علاؤہ شہریوں میں تقسیم بھی کئے جارہے ہیں۔

انہوں نے کہا کہ اس شجر کاری مہم میں سرکاری اداروں کے علاوہ نجی و سماجی تنظیموں کا اہم کردار ہے۔ ضرورت اس امر کی ہے کہ ہر گلی کوچے میں درخت نظر آئیں۔

اس موقع پر ڈپٹی کمشنر جہلم سیدہ رملہ علی نے خود شہریوں میں پودے تقسیم کئے۔

تازہ ترین خبروں کیلئے ہمیں گوگل نیوز پر فالو کریں