جہلم میں تہرے قتل کے مقدمہ میں مطلوب اشتہاری مجرم 4 سال بعد گرفتار

جہلم پولیس نے اہم کارروائی کرتے ہوئے سال 2021 کے تہرے قتل کے مقدمہ میں مطلوب اشتہاری ملزم کو گرفتار کر لیا۔

تفصیلات کے مطابق جہلم میں تھانہ صدر پولیس نے ایک اہم کارروائی کرتے ہوئے وہ اشتہاری مجرم گرفتار کر لیا جو سال 2021 سے تہرے قتل کے مقدمہ میں مطلوب تھا۔ مجرم گرفتاری سے بچنے کے لیے روپوش ہو گیا تھا، تاہم ایس ایچ او تھانہ صدر اور ٹیم نے جدید سائنٹفک طریقہ کار بروئے کار لا کر اسے ٹریس کر کے گرفتار کر لیا۔

ڈسٹرکٹ پولیس آفیسر جہلم طارق عزیز سندھو نے کہا کہ اشتہاری مجرمان کے خلاف بھرپور کریک ڈاؤن جاری ہے اور عوام کے قیمتی جان و مال کے تحفظ کے لیے پولیس تمام ضروری اقدامات کر رہی ہے۔