ضلعی انتظامیہ کی خاموشی، شہر میں مصنوعی مہنگائی عروج پر

جہلم اور گردونواح میں ضلعی انتظامیہ اور پرائس کنٹرول مجسٹریٹس کی عدم توجہی کے باعث مصنوعی مہنگائی نے عوام کا جینا دوبھر کر دیا ہے۔

شہریوں کا کہنا ہے کہ بکرے کا گوشت 2200 سے 2400 روپے فی کلو جبکہ گائے کا گوشت 1200 سے 1400 روپے فی کلو تک فروخت کیا جا رہا ہے۔

عوامی حلقوں نے شکایت کی ہے کہ پرائس کنٹرول مجسٹریٹس کی کارروائیاں صرف فوٹو سیشن تک محدود ہیں، عملی اقدامات نہ ہونے کی وجہ سے دکاندار من مانے ریٹ وصول کر رہے ہیں۔

ضلعی شہریوں نے وزیراعلیٰ پنجاب مریم نواز شریف، کمشنر راولپنڈی ڈویژن اور دیگر متعلقہ حکام سے فوری نوٹس لینے اور مصنوعی مہنگائی پر قابو پانے کے لیے سخت کارروائی کا مطالبہ کیا ہے۔