جہلم: حفاظتی انتظامات نہ ہونے کے باعث پلازے،مارکیٹیں، منی فیکٹریاں اور پٹرول پمپس خطرے کی علامت بن گئے
جہلم: حفاظتی انتظامات نہ ہونے کے باعث ضلع بھر میں قائم پلازے،مارکیٹیں، منی فیکٹریاں اور پٹرول پمپس خطرے کی علامت بن گئے۔ محکمہ سول ڈیفنس کے ذمہ داران کی غفلت نے شہریوں کو غیر محفوظ بنا دیا۔
تفصیلات کے مطابق ضلع جہلم میں قائم پلازوں، مارکیٹس ، منی فیکٹریاں ،نجی ہسپتالوں،نجی تعلیمی اداروں اور پٹرول پمپس میں آگ بجھانے والے آلات نصب نہ ہونے کیوجہ سے شہریوں کے سروں پر خطرات کے سائے منڈلا رہے ہیں۔
محکمہ سول ڈیفنس کی بے حسی کی وجہ سے بااثر مالکان احتیاطی تدابیر اختیار کرنے کی زحمت گوارہ نہیں کرتے حتیٰ کہ پٹرول پمپس اور ہسپتالوں میں مٹی ڈالنے والی بالٹیاں تک موجود نہیں۔
محکمہ سول ڈیفنس اور دیگر متعلقہ اہلکار حفاظتی اقدامات نہ کرنے والی فیکٹریوں اور پمپس مالکان کے خلاف قانونی کارروائیاں کرنے کی بجائے دفاتر میں بیٹھ کر فرضی رپورٹس تیار کرتے ہیں اور یہی رپورٹس اعلیٰ حکام کو بجھوا کر مطمئن کر دیا جاتا ہے۔
واضح رہے کہ ماضی میں آگ لگنے کے واقعات میں متعدد قیمتی جانیں ضائع ہوچکی ہیں، اس کے باوجود محکمہ سول ڈیفنس کے ذمہ داران نے کسی قسم کے حفاظتی اقدمات کروانے کی ضرورت محسوس نہیں کی ۔
شہریوں نے کمشنر راولپنڈی ، ڈپٹی کمشنر ،ایڈوائزرصوبائی محتسب پنجاب سے مطالبہ کیا ہے کہ حفاظتی انتظامات نہ کرنے والے مالکان سمیت متعلقہ ذمہ داران کے خلاف قانونی کارروائیاں کی جائیں، تاکہ شہریوں کو تحفظ فراہم ہو سکے۔
تازہ ترین خبروں کیلئے ہمیں گوگل نیوز پر فالو کریں
