جہلم میں دیرینہ رنجش پر دو گروپوں میں تصادم، خاتون سمیت پانچ افراد زخمی
جہلم میں دیرینہ رنجش پر دو گروپوں میں تصادم سے خاتون سمیت پانچ افراد زخمی ہو گئے، زخمیوں کو ہسپتال منتقل کر دیا گیا۔
تفصیلات کے مطابق جہلم کے تھانہ چوٹالہ کے علاقے جمرغال میں دیرینہ رنجش کے باعث دو گروپوں کے درمیان جھگڑا ہو گیا جس کے دوران فائرنگ اور ڈنڈوں کا آزادانہ استعمال کیا گیا۔ جھگڑے کے نتیجے میں ایک خاتون سمیت پانچ افراد زخمی ہو گئے۔
@jhelumupdates جہلم میں دیرینہ رنجش پر دو گروپوں میں جھگڑا #JhelumUpdates #LatestNews #fyp #breakingnews #foryoupagе #viralvideos ♬ original sound – Jhelum Updates
پولیس کا کہنا ہے کہ فائرنگ 12 بور گن سے کی گئی، جس کے چھرے ٹانگوں میں لگنے سے تین افراد زخمی ہوئے جبکہ دیگر زخمیوں کو ڈنڈوں کے وار سے چوٹیں آئیں۔ تمام زخمیوں کو فوری طور پر ڈسٹرکٹ ہیڈ کوارٹر اسپتال جہلم منتقل کیا گیا، جہاں ان کا علاج جاری ہے۔ پولیس حکام کے مطابق تمام زخمیوں کی حالت خطرے سے باہر ہے۔
پولیس نے دونوں فریقین کی جانب سے موصول ہونے والی درخواستوں پر کارروائی کا آغاز کر دیا ہے جبکہ واقعے کی تفتیش جاری ہے۔
