جہلم کے سینئر صحافی آصف جٹ کو آئی ایس پی آر نے اعزازی شیلڈ سے نوازا
جہلم پریس کلب کےمعزز ممبر اور سینئر صحافی آصف جٹ کو آئی ایس پی آر کی جانب سے اعزازی شیلڈ سے نوازا گیا۔
تفصیلات کے مطابق جہلم پریس کلب کو ایک اور منفرد اعزاز حاصل ہوا ہے جب اس کے معزز ممبر اور معروف سینئر صحافی آصف جٹ کو پاک فوج کے شعبہ تعلقات عامہ (آئی ایس پی آر) کی جانب سے اعزازی شیلڈ سے نوازا گیا۔
آصف جٹ نے آپریشن "بنیان مرصوص ” کے دوران ڈیجیٹل سرحدوں پر وطن عزیز کا بھرپور دفاع کیا، جس پر آئی ایس پی آر نے انہیں اور اویس علی کو اعزازی شیلڈ پیش کی۔ یہ شیلڈ اُن افراد کو دی گئی جنہوں نے ڈیجیٹل میڈیا پر ملکی بیانیے کو تقویت دی اور سوشل میڈیا پر پاکستان کے دفاع میں اہم کردار ادا کیا۔
اس اعزاز پر جہلم پریس کلب کے عہدیداران و ممبران نے آصف جٹ اور اویس علی کو دل کی گہرائیوں سے مبارکباد پیش کی اور ان کی خدمات کو سراہتے ہوئے نیک خواہشات کا اظہار کیا۔
