جہلم کی صفائی کو یقینی بنانے کیلئے ہر علاقے کو یکساں ترجیحات دی جائیں گی، ڈپٹی کمشنر میثم عباس

جہلم شہر میں سیوریج اور صفائی کے نظام کو جدید خطوط پر استوار کرنے کے لیے تمام دستیاب وسائل بروئے کار لائے جائیں اور شہر بھر سے کچرے کے ڈھیر فوری طور پر ختم کیے جائیں، ڈمپنگ پوائنٹس کو روزانہ کی بنیاد پر مکمل صاف کیا جائے۔

ان خیالات کا اظہار ڈپٹی کمشنر جہلم محمد میثم عباس نے چیف آفیسر میونسپل کمیٹی مبارک علی خان اور ڈپٹی ڈائریکٹر ماحولیات سے ملاقات کے دوران کیا۔ انہوں نے مزید کہا کہ شہر کی صفائی کو یقینی بنانے کے لیے ہر علاقے کو یکساں ترجیحات دی جائیں گی تاکہ جہلم کا ماحول صاف اور خوشگوار بنایا جا سکے۔

تازہ ترین خبروں کیلئے ہمیں گوگل نیوز پر فالو کریں