جہلم پولیس کا منشیات فروشوں کے خلاف کریک ڈاؤن، 6 منشیات فروش گرفتار

جہلم پولیس کا منشیات فروشوں کے خلاف کریک ڈاؤن جاری، 6 منشیات فروش ملزمان گرفتار کر لئے گئے۔

تفصیلات کے مطابق منگلا کینٹ پولیس نے کارروائی کرتے ہوئے ملزمان طلعت محمود اور محمد ندیم کو گرفتار کر لیا، ملزم طلعت سے 220گرام چرس جبکہ ملزم ندیم سے 10لیٹر شراب برآمد کر کے مقدمہ درج کر لیا۔

چوٹالہ پولیس نے کارروائی کرتے ہوئے ملزم اشتیاق احمد کو گرفتار کر لیا، ملزم سے 10لیٹر شراب برآمد کر کے مقدمہ درج کر لیا۔

سوہاوہ پولیس نے کارروائی کرتے ہوئے ملزمان عرفان عباس،عامر علی اور حسنین احمد کو گرفتار کر لیا، ملزم عرفان عباس سے 20 لیٹر شراب ، جب کہ ملزمان عامر علی اور حسنین احمد سے10/10 لیٹر شراب برآمد کر لی گئی، پولیس نے دونوں ملزمان کے خلاف الگ الگ مقدمات درج کر لئے۔

ڈی پی او جہلم ناصر محمود باجوہ نے کہا کہ منشیات فروش معاشرے کا ناسور ہیں جن کے خلاف کریک ڈاؤن جاری ہے۔