جہلم میں فوڈ اتھارٹی کا ایکشن، سینکڑوں لیٹر ملاوٹی دودھ تلف کردیا

جہلم میں فوڈ اتھارٹی کی ناکہ لگا کر دودھ بردار گاڑیوں کی چیکنگ، 400 لیٹر پانی ملا دودھ تلف کر کے ہزاروں روپے جرمانے کر دیے۔

تفصیلات کے مطابق ملاوٹی دودھ سپلائی کرنے والوں کے خلاف پنجاب فوڈ اتھارٹی کی کارروائیاں جاری ہیں۔ جہلم شہر کے داخلی اور خارجی راستوں پر پنجاب فوڈ اتھارٹی نے ناکے لگا کر 2 دودھ بردار گاڑیوں میں موجود تقریباً 3400 لیٹر دودھ کو چیک کیا جبکہ 400 لیٹر ملاوٹی دودھ تلف کر کے 25 ہزار روپے جرمانے عائد کیے۔

ترجمان فوڈ اتھارٹی نے کہنا تھا کہ دودھ بردار گاڑیوں کو روزانہ کی بنیاد پر چیک کیا جاتا ہے۔ دودھ جیسی نعمت میں کسی قسم کی ملاوٹ برداشت نہیں کی جائے گی، اس میں ملاوٹ اور ناقص سپلائی پر دودھ بردار گاڑیوں و دکانوں کو بھاری جرمانے کیے گئے ہیں۔