دینہ میں 16 سالہ لڑکی کو اغواء کے بعد جنسی زیادتی کا نشانہ بنانے والا اشتہاری مجرم گرفتار

دینہ: پولیس نے اہم کارروائی کرتے ہوئے 16 سالہ لڑکی کو اغواء کرنے اور جنسی زیادتی کے مقدمہ میں مطلوب اشتہاری مجرم کو گرفتار کر لیا۔

ترجمان جہلم پولیس کے مطابق جہلم کی تحصیل دینہ میں ایس ایچ او تھانہ منگلا کینٹ اور پولیس ٹیم نے کارروائی کرتے ہوئے 16 سالہ لڑکی کو اغوا کرنے اور جنسی زیادتی کا نشانہ بنانے کے مقدمہ میں مطلوب مجرم کو گرفتار کر لیا، ملزم سال 2025 سے اغواء اور جنسی زیادتی کے مقدمہ میں مطلوب تھا اور گرفتاری سے بچنے کے لیے روپوش تھا۔

پولیس کے مطابق ملزم کو جدید سائنٹیفک طریقہ کار کے ذریعے ٹریس کر کے گرفتار کیا گیا ہے جبکہ مزید قانونی کارروائی جاری ہے۔

ڈی پی او جہلم شفیق احمد چوہدری کا کہنا ہے کہ اشتہاری مجرمان کے خلاف بھرپور کریک ڈاؤن جاری ہے اور ایسے عناصر کے ساتھ سختی سے نمٹا جائے گا۔