ایس ایل ایس کالج کی شاندار کامیابی، آئی ڈی پی کی جانب سے اعلیٰ اعزازات سے نوازا گیا
جہلم: ایس ایل ایس کالج اور آئلٹس آفیشل ٹیسٹ سینٹر نے ایک اور اہم سنگِ میل عبور کرتے ہوئے آئی ڈی پی پاکستان کی جانب سے سب سے زیادہ حجم کا ایوارڈ اور طلبہ کی بہترین کارکردگی پر سب سے نمایاں کارکردگی کا ایوارڈ حاصل کر لیا۔
یہ اعزازات اسلام آباد کے معروف ہوٹل میریٹ میں منعقدہ پروقار تقریب میں پیش کیے گئے۔ تقریب کے دوران آئی ڈی پی پاکستان کے آئلٹس آپریشنز منیجر طاہر حسین نے سی ای او ایس ایل ایس کالج و اونر آفیشل آئلٹس ٹیسٹ سینٹر کو ایوارڈ اور اسناد پیش کیں۔
اس موقع پر آئی ڈی پی کے آئلٹس ٹیسٹ سینٹر ایڈمنسٹریٹر طلحہ بن محسن نے ایس ایل ایس کے نمایاں کارکردگی دکھانے والے طلبہ کے اعزاز میں سب سے نمایاں کارکردگی کا سرٹیفکیٹ بھی سی ای او کے حوالے کیا۔
اس موقع پر آئلٹس کے طلبہ کی رہنمائی کے لیے ایک جامع آئلٹس ماسٹر کلاس اور بیرونِ ملک تعلیم نمائش کا بھی انعقاد کیا گیا، جس میں بیرونِ ملک تعلیم کے خواہشمند طلبہ کو تفصیلی آگاہی فراہم کی گئی۔
سی ای او ایس ایل ایس کالج نے اس کامیابی کو ادارے کی ٹیم کی محنت، طلبہ کے اعتماد اور معیارِ تعلیم کے عزم کا نتیجہ قرار دیتے ہوئے کہا کہ ایس ایل ایس مستقبل میں بھی اسی جذبے کے ساتھ کامیابیوں کا سفر جاری رکھے گا۔
انہوں نے اس کامیابی پر پوری ٹیم اور طلبہ کو مبارکباد دیتے ہوئے کہا کہ یہ اعزاز ادارے کے لیے باعثِ فخر ہے اور مزید کامیابیوں کی راہ ہموار کرے گا۔
