اقوام متحدہ کے پاکستان میں تعینات ریذیڈنٹ کوآرڈینیٹر کی بلال اظہر کیانی کی ملاقات

اقوام متحدہ کے پاکستان میں تعینات ریذیڈنٹ کوآرڈینیٹر محمد یحییٰ نے پائیدار ترقیاتی اہداف (ایس ڈی جیز) پر قائم پارلیمانی ٹاسک فورس کے کنوینئر بلال اظہر کیانی سے منگل کو پارلیمنٹ ہاؤس میں ملاقات کی۔

ملاقات میں پاکستان میں ایس ڈی جیز کے نفاذ کی موجودہ صورتحال اور اہداف کے حصول میں پارلیمنٹ کے کارکردگی پر تبادلہ خیال کیا گیا اور پاکستان کو درپیش چیلنجوں کے حوالے سے جدید بین الاقوامی طریقہ کار کو اپنانے اور ان کی سماجی و اقتصادی مطابقت پر غور کیا۔

ملاقات میں قانون سازی کے عمل میں اراکین پارلیمنٹ کی تحقیق معاونت فراہم کرنے اور SDGs کے فریم ورک کے بارے میں آگاہی فراہم کرنے کی ضرورت پر زور دیا تاکہ ایس ڈی جیز 2030 کے ایجنڈے کو زیادہ مؤثر طریقے سے نافذ کیا جا سکے۔

کنوینر ایس ڈی جیز بلال اظہر کیانی نے ایس ڈی جیز کے حصول کے لیے پیشرفت کو تیز کرنے میں تعمیری کردار ادا کرنے کے لیے پارلیمنٹ کے عزم کا اعادہ کرتے ہوئے کہا کہ "ایس ڈی جیز پر قائم پارلیمانی ٹاسک فورس ایک خوشحال مستقبل حصول کے لیے بھرپور کوششیں کر رہی ہے۔

انہوں نے مزید کہا "پارلیمانی ٹاسک فورس بچوں اور نوجوان کو معیاری تعلیم تک رسائی ہر شہری کو صحت کی بہتر سہولیات کی فراہمی اور موسمیاتی تبدیلی سے مؤثر طریقے سے نمٹنے کے لیے ایک موثر حکمت عملی وضع کرنے کے لیے اقدامات اٹھا رہی ہے۔