ڈی پی او جہلم کا پولیس خدمت مرکز ، میثاق سنٹر اور پولیس تحفظ مرکز جہلم کا دورہ

جہلم: ڈسٹرکٹ پولیس آفیسر جہلم ناصر محمود باجوہ نے پولیس خدمت مرکز جہلم، میثاق سنٹر اور پولیس تحفظ مرکز جہلم کا دورہ کیا۔

ڈی پی او جہلم نے دفاتر کے ریکارڈ اور عمارت کا تفصیلی جائزہ لیا۔ انہوں نے صفائی کے نظام کو مزید بہتر بنانے کے احکامات جاری کئے۔

جہلم پولیس کی طرف سے کرسمس کی آمد پر میثاق سنٹر کو کرسمس ٹریز سے سجا دیا گیا۔

ڈی پی او جہلم نے کہا کہ پولیس تحفظ مرکز کو معاشرے کے محروم طبقات کی خدمت کے لئے بھرپور استعمال اور میثاق سنٹر کو بروئے کار لاتے ہوئے اقلیتوں کے تحفظ کو یقینی بنایا جائے۔

انہوں نے پولیس اہلکاروں کو ہدایت کی کہ خدمت مرکز اور پولیس تحفظ مرکز میں آنے والے شہریوں کے ساتھ اچھے اخلاق سے پیش آئیں اور بہترین سہولیات فراہم کریں۔ پولیس کی کارکردگی جانچنے کےلئے سرپرائز وزٹ کا سلسلہ جاری رہے گا۔