شدید گرمی کے بعد بارشیں برسانے والا سٹم آج سے پاکستان میں داخل ہوگا

جہلم: شدید گرمی کے بعد محکمہ موسمیات نے پیش گوئی کی ہے کہ آج سے بارشیں برسانے والا سسٹم پاکستان میں داخل ہوگا جس سے گرمی کی شدت میں کمی واقع ہوگی۔ بارشوں اور تیز ہواؤں کے آنے سے جہلم سمیت پنجاب کے مختلف اضلاع میں موسم میں بہتری متوقع ہے۔

محکمہ موسمیات کے مطابق بارشوں کے اس سسٹم کے داخل ہونے سے جہلم اور پنجاب کے دیگر علاقوں میں بارشوں کا امکان ہے، جو شدید گرمی کے بعد شہریوں کے لیے راحت کا باعث بنے گی۔

اس وقت جہلم سمیت پنجاب بھر کے بیشتر اضلاع شدید گرمی کی لپیٹ میں ہیں۔ جہلم میں کم سے کم درجہ حرارت 26 ڈگری سینٹی گریڈ اور زیادہ سے زیادہ 42 ڈگری سینٹی گریڈ تک جانے کی توقع ہے، جبکہ جنوبی پنجاب میں درجہ حرارت 44 سے 45 ڈگری سینٹی گریڈ تک بھی جا سکتا ہے۔