پاکستان مسلم لیگ (ن) عوامی خدمت کے مشن پر گامزن ہے، بلال اظہر کیانی
جہلم: وزیرِ مملکت برائے خزانہ و ریلوے بلال اظہر کیانی نے عوامی رابطہ آفس جادہ میں جہلم کے سابقہ کونسلرز، مسلم لیگ (ن) کے تنظیمی ساتھیوں اور اہلِ علاقہ سے ملاقات کی۔
اس موقع پر بلال اظہر کیانی نے علاقائی اور عوامی مسائل پر شرکاء سے تفصیلی گفتگو کی۔ انہوں نے شہریوں کے مسائل سنے اور ان کے حل کے لیے فوری اقدامات اٹھانے کی یقین دہانی کرائی۔
وزیرِ مملکت نے کہا کہ مسلم لیگ (ن) عوامی خدمت کے مشن پر گامزن ہے اور ترقیاتی کاموں کا تسلسل جاری رکھا جائے گا۔
انہوں نے مزید کہا کہ عوام کے مسائل کے فوری حل کے لیے مقامی قیادت اور پارٹی کے عہدیدار مل کر کام کریں گے تاکہ شہریوں کو معیاری سہولیات اور ترقیاتی منصوبے بروقت میسر ہو سکیں۔
ملاقات کے دوران عوام نے بھی وزیرِ مملکت کو اپنے علاقے کی ترقی اور بنیادی سہولیات کی فراہمی کے حوالے سے تجاویز پیش کیں، جن پر بلال اظہر کیانی نے توجہ دینے کا یقین دلایا۔
