ڈپٹی کمشنر جہلم میر رضا اوزگن کا مریم نواز ہیلتھ کلینک جلو چک کا اچانک دورہ، سہولیات کا جائزہ لیا

23

دینہ: عوامی صحت کی سہولیات کے معیار کو یقینی بنانے کے لیے، ڈپٹی کمشنر جہلم میر رضا اوزگن نے مریم نواز ہیلتھ کلینک جلو چک کا اچانک دورہ کیا۔

اس دورے کے دوران ڈپٹی کمشنر نے کلینک میں موجود ڈاکٹروں اور پیرا میڈیکل سٹاف کی حاضری کا جائزہ لیا اور مریضوں کے علاج کے لیے دستیاب ادویات، تشخیصی آلات اور صفائی ستھرائی کے انتظامات کا تفصیلی معائنہ کیا۔

انہوں نے مریضوں سے سہولیات کے معیار اور عملے کے رویے کے بارے میں بھی دریافت کیا تاکہ کلینک میں موجود زمینی حقائق کا اندازہ لگایا جا سکے۔

ڈپٹی کمشنر میر رضا اوزگن نے صحت کے حکام کو سخت ہدایات جاری کرتے ہوئے کہا کہ جلو چک ہیلتھ کلینک میں آنے والے ہر مریض کو مکمل احترام اور معیاری طبی امداد فراہم کی جائے۔

انہوں نے واضح کیا کہ صحت کے شعبے میں کسی بھی قسم کی کوتاہی یا عوامی شکایات برداشت نہیں کی جائیں گی اور غفلت برتنے والے افراد کے خلاف فوری تادیبی کارروائی عمل میں لائی جائے گی۔

میر رضا اوزگن نے مزید کہا کہ عوامی صحت کی سہولیات کی بہتر فراہمی اور مریضوں کے لیے معیاری علاج فراہم کرنا ضلعی انتظامیہ کی اولین ترجیح ہے اور اس کے لیے مسلسل نگرانی اور اقدامات کو یقینی بنایا جائے گا۔