کھیوڑہ میں کوڑے کے ڈھیر سے نومولود بچے کی لاش برآمد

پنڈدادنخان : کھیوڑہ کے محلہ سردھی سے نومولود بچے کی لاش برآمد، لاش کو ہسپتال منتقل کر دیا گیا.

پولیس کے مطابق جہلم کی تحصیل پنڈدادنخان میں کھیوڑہ محلہ سردھی میں کوڑے کے ڈھیر پر نومولود کی لاش پڑی تھی۔ راہ گیروں نے پولیس کو اطلاع دی جس پر پولیس اور ریسکیو 1122 کی ٹیم موقع پر پہنچ گئی.

پولیس نے لاش کو تحصیل ہیڈ کوارٹر ہسپتال پنڈدادنخان منتقل کر کے تفتیش شروع کر دی.

پولیس کا کہنا ہے کہ سی سی ٹی وی کیمرے کی مدد سے نومولود کی لاش پھینک کر فرار ہونے والے کی تلاش کی جارہی ہے۔