پنڈدادنخان کا اعزاز؛ ڈپٹی کمشنر چوہدری شاہد عمران مارتھ کو تمغۂ امتیاز سے نوازا گیا

پنڈدادنخان: جہلم کی تحصیل پنڈدادنخان کے گاؤں سگھر پور سے تعلق رکھنے والے ڈپٹی کمشنر شیخوپورہ چوہدری شاہد عمران مارتھ کو 14 اگست کے موقع پر حکومتِ پاکستان کی جانب سے تمغۂ امتیاز سے نوازا گیا۔

یہ اعزاز انہیں بھارت اور پاکستان کے درمیان کشیدگی کے دوران شیخوپورہ پر میزائل حملے کے بعد کی صورتِ حال کو بہترین حکمتِ عملی سے سنبھالنے اور اپنی ذمہ داریوں کو پیشہ ورانہ انداز میں نبھانے پر دیا گیا۔ ایوانِ صدر میں صدرِ پاکستان آصف علی زرداری نے انہیں یہ اعزاز پیش کیا۔

چوہدری شاہد عمران مارتھ سابق چیئرمین یو سی پنڈی سید پور مرحوم چوہدری باتی خان کے صاحبزادے اور سابق تحصیل نائب ناظم مرحوم چوہدری اسلم مارتھ کے داماد ہیں۔ یہ اعزاز نہ صرف ان کے خاندان بلکہ تحصیل پنڈدادنخان اور ضلع جہلم کے لیے باعثِ فخر ہے۔