جہلم میں اے ای اوز اور ایس ایس ای اساتذہ کی اہم میٹنگ، مستقلی کی سمری کا خیرمقدم

جہلم میں اے ای اوز اور ایس ایس ای اساتذہ کی ایک انتہائی اہم میٹنگ منعقد ہوئی۔

میٹنگ میں محکمہ تعلیم حکومت پنجاب کی جانب سے ایس ایس ای اساتذہ اور اے ای اوز کی مستقلی کے حوالے سے بھیجی گئی سمری کا بھرپور خیرمقدم کیا گیا۔

میٹنگ کے دوران مستقبل کے مشترکہ لائحہ عمل پر تفصیلی مشاورت کی گئی اور اس بات پر زور دیا گیا کہ اساتذہ کی مستقلی نہ صرف تعلیمی نظام کے استحکام کا باعث بنے گی بلکہ اس سے تدریسی عمل میں مزید بہتری آئے گی۔

میٹنگ میں شریک اساتذہ اور افسران نے حکومت پنجاب سے مطالبہ کیا کہ وہ جلد از جلد سمری کی منظوری دے کر مستقل روزگار کی راہ ہموار کرے تاکہ تدریسی عمل سے وابستہ افراد یکسوئی سے اپنی ذمہ داریاں انجام دے سکیں۔