برمنگھم: جیولری کوارٹرز میں پاکستانی، ایشیائی کمیونٹی کے پہلے مکمل جدید طبی سہولیات سے لیس ہسپتال کا افتتاح

برمنگھم: جیولری کوارٹرز میں پاکستانی، ایشیائی کمیونٹی کے پہلے مکمل جدید طبی سہولیات سے لیس ہسپتال کا افتتاح کیا گیا۔

افتتاحی تقریب میں 100 سے زائد ڈاکٹرز اور ہیلتھ کے ماہرین نے شرکت کی اور جدید طبی ہسپتال کا دورہ کیا جہاں عوام کے لیے 24 گھنٹے سہولت درکار ہو گی۔

تقریب میں ہاوس آف ہیلتھ ہسپتال کی ڈائریکٹر ڈاکٹر انیتا راجہ نے میڈیا کو بریفنگ دیتے ہوئے کہا کہ اس وقت برطانیہ میں جو سب سے بڑا مسئلہ اپوائنٹمنٹ کا ہے۔ ایک سروے کے مطابق برطانیہ میں کسی مریض کو 6 ماہ کے لیے انتظار کرنا پڑتا ہے ، اور این ایچ ایس کی ویٹنگ لسٹ کی تعداد روز بروز مزید بڑھتی جا رہی ہے۔

ڈائریکٹر ہاؤس آف ہیلتھ نے کہا کہ اس بات کو مدنظر رکھتے ہوے ہم نے سب سے پہلے اس بات کا اہتمام کیا ہے کہ ہاؤس آف ہیلتھ ہسپتال میں اس طرح کی شکایت کسی کو نہ ہو۔

انہوں نے بتایا کہ تمام امراض کے علاج کے لیئے ایوارڈ یافتہ ڈاکٹرز کی ٹیم اور جدید ٹیکنالوجی اور اعلی معیار کی سہولیات فراہم کرنے کے ساتھ ساتھ مریض کی دیکھ بھال کے لیے بھرپور کوشش ہو گی ۔

تازہ ترین خبروں کیلئے ہمیں گوگل نیوز پر فالو کریں