پنجاب حکومت کے احکامات پر پلاسٹک بیگز پابندی پر مکمل عمل درآمد کرائیں گے، ڈپٹی کمشنر جہلم

جہلم: پنجاب حکومت کے احکامات پر پلاسٹک بیگز پابندی پر مکمل عمل درآمد کریں گے، تاجروں اور دوکانداروں سے تعاون کی امید کرتے ہیں، ماحولیاتی مسئلہ کے حل کے لیے ہم سب کو مل کر کام کرنا ہو گا۔

یہ بات ڈپٹی کمشنر جہلم سیدہ رملہ علی نے پلاسٹک بیگز پر پابندی کے حوالے سے آگاہی واک کی قیادت کرتے ہوئے کہی۔ 5 جون سے نافذ العمل اس پابندی بارے آگاہ واک میں ضلعی انتظامیہ کے افسران اور اہلکاروں نے شرکت کی۔

مین بازار جہلم میں منعقد ہونے والی واک کے دوران ڈپٹی کمشنر نے دوکانداروں میں آگاہی پمفلٹ تقسیم کئے اور تاجر رہنماؤں سے گفتگو کرتے ہوئے کہا کہ پلاسٹک بیگز ماحولیاتی تباہی کا سبب ہیں تاجروں اور دوکانداروں سے اس مہم میں تعاون کی امید کرتے ہیں۔