جہلم میں روٹی کی قیمت میں کمی کے احکامات کو پوری طرح نافذ کروائیں گے، ڈپٹی کمشنر سمیع اللہ
جہلم: روٹی کی قیمت میں کمی کے احکامات کو پوری طرح نافذ کروائیں گے، تندور مالکان قیمت اور وزن کا خیال رکھیں ورنہ سخت قانونی کارروائی کیلئے تیار رہیں۔
ان خیالات کا اظہار ڈپٹی کمشنر جہلم کیپٹن (ر) سمیع اللہ فاروق نے مختلف تندور وں کی چیکنگ کے دوران وارننگ کرتے ہوئے کیا۔ انہوں کہا کہ حکومت کی جانب سے ریلیف عوام تک پہنچانے میں روکاوٹ بننے والے عناصر کو سخت قانونی کارروائی کاسامنا ہو گا۔
ڈپٹی کمشنر جہلم کیپٹن (ر) سمیع اللہ فاروق نے پنجاب حکومت کی جانب سے روٹی کی قیمت میں کمی کے احکامات پر عمل درآمد کا جائزہ لینے کیلئے مختلف تندوروں کا دورہ کیا اور وہاں روٹی کے معیار، وزن اور قیمت بارے آگاہی حاصل کی۔
انہوں نے اسلامیہ سکول روڈ پر کم وزن روٹی فروخت کرنے پر تندور مالک کو پانچ ہزار جرمانہ اور آئندہ محتاط رہنے کی وارننگ دی گئی جبکہ سول لائن پر بھی مختلف تندرووں پر صفائی، آٹے کے معیار اور قیمت بارے چیکنگ کے دوران ڈی سی جہلم نے تندور مالکان کو وارننگ دی۔
