گورنمنٹ گریجویٹ کالج آف کامرس جہلم میں پیرنٹس ٹیچر میٹنگ کا کامیاب انعقاد

جہلم: گورنمنٹ گریجویٹ کالج آف کامرس بلال ٹاؤن جہلم میں پیرنٹس ٹیچر میٹنگ (پی ٹی ایم) کا کامیاب انعقاد کیا گیا۔

اس موقع پر ڈپٹی ڈائریکٹر کالجز حماد رضا اعوان نے ادارے کا تفصیلی دورہ کیا اور کنٹرولر امتحانات محمد عاصم، ڈپٹی کنٹرولرز محترمہ عدیلہ، محترمہ طلعت، عدنان ایوب اور پرنسپل محمد قاسم کی کارکردگی کو سراہا۔

اجلاس کا مقصد والدین اور اساتذہ کے درمیان طلبہ کی تعلیمی کارکردگی، حاضری اور ہمہ جہت ترقی کے حوالے سے مؤثر رابطہ قائم کرنا تھا۔

ڈپٹی ڈائریکٹر کالجز حماد رضا اعوان نے انتظامات کو مثالی قرار دیتے ہوئے کالج انتظامیہ کی محنت، نظم و ضبط اور تعلیمی معیار کی تعریف کی۔ میٹنگ کے دوران والدین اور اساتذہ نے طلبہ کی تعلیمی پیش رفت اور دیگر امور پر تفصیلی تبادلۂ خیال کیا۔