الفلاح فاؤنڈیشن پاکستان کے زیر اہتمام جاتلاں میں فری میڈیکل کیمپ لگایا گیا

میرپور: الفلاح فاؤنڈیشن پاکستان کے زیر اہتمام جاتلاں، گورسیاں محلہ حاجیان (ایل اے چار، کھڑی میرپور) میں جمعہ 19 ستمبر کو فری میڈیکل کیمپ کا انعقاد کیا گیا جو سہ پہر 3 بجے سے 5 بجے تک جاری رہا۔

کیمپ میں چائلڈ اسپیشلسٹ، اسکن اسپیشلسٹ اور ڈینٹل سرجن پر مشتمل ماہر ڈاکٹروں کی ٹیم نے مریضوں کا مفت معائنہ کیا اور مفت ادویات فراہم کیں۔ اس میڈیکل کیمپ سے ضرورت مند افراد کے ساتھ ساتھ سفید پوش طبقے کو بھی بڑا فائدہ پہنچا۔

کیمپ کا افتتاح چیئرمین یو سی جاتلاں ذوھیب الرحمان نے کیا جبکہ صاحبِ مجاز لطیف بٹ اویسی نے کیمپ کا دورہ کر کے انتظامات پر اطمینان کا اظہار کیا۔

الفلاح فاؤنڈیشن جو کہ سلسلہ نقشبندیہ اویسیہ کی ذیلی تنظیم ہے اپنی تمام خدمات شیخ سلسلہ نقشبندیہ اویسیہ امیر عبدالقدیر اعوان کی نگرانی میں انجام دے رہی ہے۔ فاؤنڈیشن کی بنیاد حضرت امیر محمد اکرم اعوانؒ نے رکھی تھی اور اب اس کی سرپرستی امیر عبدالقدیر کر رہے ہیں۔

مریضوں نے الفلاح فاؤنڈیشن کا شکریہ ادا کرتے ہوئے شیخ سلسلہ نقشبندیہ اویسیہ کو دعاؤں سے نوازا۔ فاؤنڈیشن کے ذمہ داران نے عزم ظاہر کیا کہ وہ آئندہ بھی اسی طرح ملک بھر میں بے شمار فری میڈیکل کیمپس کا انعقاد کرتے رہیں گے۔