ایل پی جی 3 روپے 20 پیسے فی کلو سستی ہوگئی

آئل اینڈ گیس ریگولیٹری اتھارٹی (اوگرا) نے مائع پیٹرولیم گیس ( ایل پی جی) 3 روپے 20 پیسے فی کلو سستی کر دی۔

اوگرا کی جانب سے جاری نوٹی فکیشن کے مطابق ایل پی جی کی نئی فی کلو قیمت 245 روپے16 پیسے مقرر کی گئی ہے، ایل پی جی کا 11 اعشاریہ 8 کلوگرام گھریلو سلنڈر 37 روپے 80 پیسے سستا ہوا ہے۔

نوٹیفکیشن میں کہا گیا ہے کہ ایل پی جی کے 11 اعشاریہ 8 کلوگرام سلنڈرکی نئی قیمت 2 ہزار893 روپے ہوگی، نئی قیمتوں کا اطلاق یکم مئی سے ہوگا۔

ترجمان اوگرا کے مطابق ایل پی جی پروڈیوسر کی قیمت سعودی آرامکو-سی پی اور امریکی ڈالر کی شرح تبادلہ سے منسلک ہے۔

پچھلے مہینے کے مقابلے میں سعودی آرامکو-سی پی میں1 اعشاریہ 8 فیصد کمی آئی ہے، جبکہ ڈالر کی اوسط شرح مبادلہ میں 0 اعشاریہ 22 فیصد اصافہ ہوا ہے۔