دینہ میں منگلا روڈ پر موٹر سائیکل حادثہ، خاتون اور دو بچوں سمیت چار افراد زخمی

دینہ میں نکودر کے قریب منگلا روڈ پر موٹر سائیکل کو حادثہ پیش آیا، جس کے نتیجے میں خاتون اور دو بچوں سمیت چار افراد زخمی ہوگئے۔

ریسکیو ذرائع کے مطابق حادثہ تیز رفتاری کے باعث پیش آیا، جس میں زخمی ہونے والوں میں 30 سالہ عادل خان ولد گلزار احمد، 50 سالہ شبنم بیگم زوجہ گلزار احمد، 5 سالہ احد ولد عادل خان اور 3 سالہ محمد کیف ولد عادل خان شامل ہیں۔

ریسکیو 1122 کے اہلکاروں نے فوری طور پر جائے حادثہ پر پہنچ کر تمام زخمیوں کو ابتدائی طبی امداد فراہم کی اور بعد ازاں انہیں بنیادی مرکز صحت (آر ایچ سی) دینہ منتقل کر دیا گیا۔